شه‌وی سێشه‌ممه ٣ی گه‌لاوێژ، له ڕووداوێكی هاتووچۆی زه‌نجیره‌یی له مێحوه‌ری ڕه‌وانسه‌ر بۆ پاوه، هاووڵاتیه‌ك گیانی له ده‌ستدا و چوار كه‌سی دیكه‌ش به‌سه‌ختی بریندار بوون.
به‌پێی ڕاپۆرته‌كان، ڕووداوه‌كه له نێوان دوو بارهه‌ڵگر له‌گه‌ڵ تراكتۆر و ئۆتومبێلێكی سه‌واری ڕووی داوه و به‌هۆیه‌وه هاووڵاتیه‌ك ده‌ستبه‌جێ گیانی له ده‌ست داوه و چوار كه‌سی دیكه‌ش به‌سه‌ختی بریندار و ڕاگوێزی نه‌خۆشخانه‌كانی كرماشان كراون.