ڕۆژی هه‌ینی ٦ی مانگی گه‌لاوێژ، فڕۆكه بێفڕۆكه‌وانه‌كانی توركیا هێرشیان كرده سه‌ر دوو ئۆتومبێل له شارباژێری هه‌رێمی كوردستان و عاموودا له ڕۆژئاوای كوردستان و ٨ چالاكی ژن گیانیان له ده‌ستدا.
به‌وته‌ی به‌رپرسانی ئیداره‌ی خۆبه‌ڕێوه‌به‌ری ڕۆژئاوای كوردستان، ئیواره‌ی ڕۆژی هه‌ینی ئۆتومبێلێكی شه‌رڤانانی “یه.په.ژه” له نزیك گوندی “خربه‌خوێی” سه‌ر به شاری عاموودا له‌لایه‌ن فڕۆكه‌یه‌كی بێفڕۆكه‌وانی توركیاوه كرایه ئامانج و به‌هۆیه‌وه چوار كه‌س گیانیان به‌خت كرد. هاوكات هێرشێكی هاوشێوه كراوه‌ته سه‌ر ئۆتومبێلێك له گوندی “ڕه‌نگینه”ی سه‌ر به ناوچه‌ی شارباژێر له هه‌رێمی كوردستان و به‌هۆیه‌وه چوار ژن گیانیان له ده‌ست داوه.