به‌هۆی ئه‌و ئاگره‌ی له ڕۆژانی ڕابردوو دارستانه‌كانی یوونان و ئه‌لجه‌زایه‌ری گرتۆته‌وه، تا به ئێستا ٢٥ كه‌س له ئه‌لجه‌زایه‌ر گیانیان له ده‌ست داوه و ٣٠ هه‌زار كه‌س له یوونان ئاواره بوون.
به‌پێی ڕاپۆرتی ده‌زگای هه‌واڵنێری ڕۆیته‌رز، ٢٥ كه‌س له كاتی كۆنتڕۆڵ كردنی ئاگری دارستانه‌كانی ئه‌لجه‌زایه‌ر گیانیان له‌ده‌ست داوه كه ١٠ كه‌سیان له هێزه‌كانی ئاگركوژێنه‌وه و سه‌ربازانی ئه‌رته‌ش بوون. هه‌روه‌ها ئاگری دارستانه‌كانی دوورگه‌ی ڕۆدۆس هێشتا كۆنتڕۆڵ نه‌كراوه و جه‌نگه‌ڵه‌كانی دوورگه‌ی “كورفۆ”یش ئاگری گرتووه. به‌وته‌ی به‌رپرسانی ده‌وڵه‌تی یۆنان، ته‌نیا له دوورگه‌ی “ڕۆدۆس” ٣٠ هه‌زار كه‌س بۆ ناوچه‌كانی دیكه ڕاگوێزراون و زیانێكی زۆر به ژینگه و ئابووری ئه‌و وڵاته گه‌یشتووه.