ڕۆژی دووشه‌ممه ١١ی به‌فرانباری ١٤٠٢، بو‌مه‌له‌رزه‌یێك به به‌هێزی ٧ پله‌ی ڕیشته‌ر وڵاتی ژاپۆنی هه‌ژاند و به‌وهۆیه‌وه ٤٨ كه‌س گیانیان له‌ده‌ستدا و ده‌یان كه‌سی دیكه‌ش بریندار بوون.
به‌پێی ڕاپۆرته‌كان، ناوه‌ندی بومه‌له‌رزه‌كه دوورگه‌ی “نوتۆ” له ئوستانی “ئیشی گاوا” بووه و چه‌ندین دواله‌رزه‌ی دیكه‌ش ناوچه‌كه‌ی هه‌ژاندووه. به‌پێی دوایین زانیاری، ٤٨ كه‌س گیانیان له‌ده‌ست داوه، به ده‌یان كه‌س بریندار و ٩٧ هه‌زار كه‌س ئاواره بوون. هه‌روه‌ها به‌رق و ئاوی هه‌زاران كه‌س بڕاوه و ده‌وڵه‌ت سه‌باره‌ت به هاتنی سۆنامی هۆشداری داوه‌ته خه‌ڵكی ئه‌و وڵاته.