گیانله‌ده‌ستدانی و بریندار بوونی په‌نابه‌ران له‌ به‌نده‌ری “كاله‌ی” فه‌ڕانسه‌

به‌هۆی ڕووداوی به‌ركه‌وتنی قیتار له‌ به‌نده‌ری “كاله‌” له‌گه‌ڵ گرووپێك له‌ په‌نابه‌ران، په‌نابه‌رێك گیانی له‌ده‌ستدا و سێ كه‌سی دیكه‌ش به‌سه‌ختی بریندار بوون.

به‌پێی ڕاپۆرته‌كان، كاتێك ئه‌و قیتاره‌ گه‌یشتووه‌ته‌ شوێنی ڕووداوه‌كه‌ لانیكه‌م ٥٠ په‌نابه‌ر له‌ سه‌ر ڕه‌یلی ئاسنیی قیتاره‌كه‌ دانیشتبوون كه‌ به‌هۆی به‌ركه‌وتنی قیتاره‌كه‌ سێ كه‌س به‌سه‌ختی‌ بریندار بوون و كه‌سێكیش گیانی له‌ده‌ستدا، بریندارانی ڕووداوه‌كه‌ش به‌مه‌به‌ستی وه‌رگرتنی چاره‌سه‌ری پزشكی ڕه‌وانه‌ی ناوه‌نده‌ ده‌رمانیه‌كانی ئه‌و شاره‌ كراون.