ڕۆژی سێشه‌ممه ١٧ی ڕێبه‌ندان، سێ كرێكار به‌هۆی ئاگركه‌وتنه‌وه له خاوه‌رشاری تاران گیانیان به‌ختكرد و دوو كرێكاری دیكه‌ش له شاره‌كانی شووشته‌ر و بابۆل به‌هۆی نه‌بوونی ئیمه‌نی شوێنی كار تووشی ڕووداو بوون و گیانیان له‌ده‌ست دا.
به‌پێی ڕاپۆرته‌كان، كرێكارێكی ئه‌فغانستانی ته‌مه‌ن ٢٢ ساڵ له گێلگه‌یه‌كی په‌له‌وه‌ری له شارستانی شووشته‌ر به‌هۆی ئاگركه‌وتنه‌وه گیانی له‌ده‌ست داوه. له‌لایه‌كی دیكه‌وه كرێكارێكی بیناسازی له شارستانی بابۆل به‌هۆی به‌ربوونه‌وه له‌به‌رزایی ده‌ستبه‌جێ گیانی له‌ده‌ست داوه، له ڕووداوێكی دیكه له خاوه‌رشاری تاران، ئاگر له ئه‌نبارێكی پلاستیك كه‌وته‌وه و سێ كرێكار له نێو ئاگردا سووتان.