بهیانی ڕۆژی یهكشهممه ١٢ی سهرماوهز، كرێكارێكی بیناسازی خهڵكی سهڵماس به ناوی “عهباس خوشماڵ” تهمهن ٤٠ ساڵ، بههۆی نهبوونی ئیمهنی شوێنی كار، گیانی لهدهستدا.
بهپێی زانیارییهكان، “عهباس خوشماڵ” پیشهی ئارماتۆربهندی و خهڵكی گوندی “باژرگه”ی سهر به ناوچه سۆمای ورمێ بووه. ناوبراو له كاتی كاركردندا بههۆی بهربوونهوه له بهرزایی بینایهكی چهند نهۆمی له شاری سهڵماس گیانی لهدهست داوه. شایانی باسه كه ناوبراو خێزاندار و باوكی چوار منداڵ بووه.