به‌هۆی هاتنی شه‌پۆلی گه‌رما و باران بارین له هندووستان و سریلانكا ده‌یان كه‌س گیانیان له‌ده‌ست داوه و به هه‌زاران كه‌س ئاواره و ڕه‌وانه‌ی ناوه‌نده ده‌رمانییه‌كان كراون.
به‌وته‌ی میدیاكانی هندووستان، شه‌پۆلی باران بارین له باكووری ئه‌و وڵاته بووه‌ته هۆی گیانله‌ده‌ستدانی ١٤ كه‌س و ئاواره‌بوونی هه‌زاران كه‌سی دیكه، هه‌روه‌ها له وڵاتی سریلانكاش به‌هۆی بارینی لێژمه‌ی باران و هاتنی لافاو، ١٤ كه‌س بوونه‌ته قوربانی و سه‌دان كه‌س ماڵ و حاڵیان به‌جێ هێشتووه. ئه‌وه له حاڵێكدایه كه ٥٦ كه‌س به‌هۆی گه‌رمای سه‌رووی ٥٠ پله‌ی سلێزییه‌وه له ڕاجستان و چه‌ند ئه‌یاله‌تی دیكه‌ی هندووستان گیانیان له ده‌ست داوه و به‌م جۆره ئاماری قوربانیان بۆ ٨٠ كه‌س به‌رز بووه‌ته‌وه. هه‌روها سه‌دان كه‌س ته‌ندرووستیان تێك چووه و ڕه‌وانه‌ی ناوه‌نده ده‌رمانییه‌كان كراون.