کۆمەڵە_رێكخراوی كوردستانی حیزبی كۆمونیستی ئیران
كوردستانهه‌واڵه‌کان

گوشاری ناوه‌نده‌ ئه‌منیه‌تیه‌كانی مهاباد بۆ سه‌ر بنه‌ماڵه‌ی “قاسم ئابه‌سته”

گوشاری ناوه‌نده‌ ئه‌منیه‌تیه‌كانی مهاباد بۆ سه‌ر بنه‌ماڵه‌ی قاسم

دوای لە سێدارەدانی قاسم ئابەستە، ئیتلاعات بە شێوەی جیاواز بۆ ڕێوڕەسمی پرسە و ماتەمینی ناوبراو بنەماڵەكەیان خستۆته‌ ژێر گوشار.

به‌پێی زانیارییه‌كان، دوای لەسێدارەدانی “قاسم ئابەستە”، هەڕەشە لە بنەماڵەکەی کراوە کە ڕێوڕەسمی بۆ نەگرن. کاتێک بنەماڵەکەی تەرمەکەیان وەرگرته‌ووه‌، هەموو ڕێگاکان و ده‌روازه‌ی چوونه‌ژووره‌وه‌ی شاری مهاباد پڕ لە ئۆتۆمبێلی سپا و هێزە تایبەتەکان بوون. هه‌روه‌ها هێزه‌كانی ئیتلاعاتی هەوڵی ڕفاندنی تەرمەكەیان داوە، بەڵام بنەماڵه و خه‌ڵكی ئه‌و شاره‌ ڕێگه‌یان پێنەداون. جێگای ئاماژه‌یه‌ كه‌ شه‌ش به‌ندكراوی دیكه‌ی مه‌حكووم به‌ ئێعدام به‌ ناوه‌كانی “داوود عه‌بدوڵاهی”، “فه‌رهاد سه‌لیمی”، “ئه‌نوه‌ر خزری”، “خوسره‌و به‌شاره‌ت”، “ئه‌یووب كه‌ریمی” و “كامران شێخه” كه‌ له‌سه‌ر په‌روه‌نده‌ی كوشتنی مه‌لایێکی حكوومه‌تی و کارمه‌ندێکی هێزی ئینتزامی له‌ ساڵی ٨٧ی هه‌تاوی ده‌ستبه‌سه‌ر كراون، مه‌ترسی له‌سێداره‌دانیان له‌سه‌ره‌.