زەردەشت ئەحمەدی‌ڕاغب، بەندکراوی سیاسی بەندیخانەی قزڵحەساری کەرەج، بەهۆی تێکچوونی باری تەندرووستی لەبەر مانگرتنەکەی، بۆ نەخۆشخانە گوازراوەتەوە.
ئەم بەندکراوە سیاسییە کە چەند هەفتەیەک لەمەوبەر لە بەرامبەر بوختان و ئازاری ناوەندە ئەمنیەکانی کۆماری ئیسلامی دەستی بە مانگرتن کردبوو، سەرەڕای ئەوەی بەدەست نەخۆشییەکانی وەک فتق و ئارترۆزی ئەژنۆوە دەناڵێنێت، بەڵام تا ئێستا دەسەڵات ڕێگریان لێکردووە کە چارەسەریی پزیشکی تایبەت وەربگرێت و ڕەوانەی نەخۆشخانەی بکرێت.