دوو زیندانی سیاسی به ناوه‌كانی “سالار سدیق هه‌مه‌دانی” و “ئیبراهیم سدیق هه‌مه‌دانی ” له گه‌ڵ سێ به‌ندكراوی دیكه له زیندانی ناوه‌ندی شاری ورمێ بۆ شوێنێكی نادیار گوازراونه‌ته‌وه.
ناسنامه‌ی ئه‌و سێ به‌ندكراوه‌كه‌ی دیكه كه تۆمه‌تبارن به ئه‌نجامدانی تاوانی كۆمه‌ڵایه‌تی به‌ناوه‌كانی “ئه‌میر محه‌ممه‌دی” و “كه‌ماڵ خاكزاد” و “فه‌رزین نووری” ڕاگه‌یێندراوه كه هه‌تا كاتی به‌ڵاو بوونه‌وه‌ی ئه‌م هه‌واڵه له شوێنی ڕاگیران یان چاره‌نووسیان هێچ زانیاریه‌ك به‌ڵاو نه‌كراوه‌ته‌وه.
جێگای ئاماژه‌یه له ڕۆژانی ڕابردوودا سێ به‌ندكراوی ئایینی دیكه به ناوه‌كانی “مه‌حیه‌دین ئیبراهیمی” و “داوود جه‌باری” و ” مه‌حیه‌دین تازه‌وارد” له هه‌مان زیندان بۆ شوێنێكی نادیار گوازراونه‌ته‌وه.