ڕۆژی پێنجشه‌ممه ١٤ی مانگی مانگی گوڵان، پێنج بەندکراوی بەندیخانەی ورمێ کە پێشتر بە تۆمەتی پەیوەندیدار بە ماددەی هۆشبەر سزای سێدارەیان بەسەردا سەپێندرابوو، بۆ جێبەجێکردنی سزاکەیان ڕاگوێزی به‌ندی تاكه‌كه‌سی كراون.
به‌پێی ڕاپۆرته‌كان، ناسنامەی یەکێک لەو بەندکراوانە “فەرامەرز شەخسی” تەمەن ٢٩ ساڵ و خەڵکی شاری سەردشته. ناوبراو سێ ساڵ پێش بە تۆمەتی بازرگانیکردن بە ماددەی هۆشبەر دەستبەسەر و لەلایەن دەزگای قه‌زایی ڕژیمه‌وه سزای سێدارەی بەسەردا سەپێندرابوو. شایانی باسه كه هیچ زانیارییه‌ك سه‌باره‌ت به ناسنامه‌ی ئه‌و چوار زیندانیه‌ی دیكه له‌به‌ر ده‌ستدا نییه.