به پێی ههواڵی گهیشتوو، ڕۆژی چوارشهممه ١٤ی مانگی گوڵان، به فهرمانی دادستانی شاری پاوه سپای پاسداران هێزێكی نیزامی زۆری ڕهوانهی ناوچهی سنوورییهكانی پاوه و نهوسوود كردووه بۆ ئهوهی ڕێگری بكرێت لهو هاووڵاتیانهی دهیانهوێت ناڕهزایهتی دهرببڕن.
به پێی ئهو ههواڵه، دادستانی شاری پاوه بڕیاری داوه كه تهنیا خهڵكی خۆجێیی ناوچهكانی پاوه و نهوسوود دهتوانن لهو سنووره كۆڵبهری بكهن و خهڵكانێك كه دانیشتووی شارهكانی دیكهن مافی ئهوهیان نییه لهو سنووره كۆڵبهری بكهن. به پێی ئهو بڕیاره هێزه ئینتزامییهكانی ڕژیم ڕێگری دهكهن لهو ئۆتۆمبێلانهی كه له شارهكانی دیكهوه ڕوویان لهو سنووره كردووه. دادستانی پاوه له ترسی ئهوهی خهڵكی ناوچهكه دژ بهو بڕیاره ناڕهزایهتی دهرببڕن، هێزێكی نیزامی زۆری ڕهوانهی ناوچه سنوورییهكانی پاوه و نهوسوود كردووه.