دوابەدوای ئاشکرابوونی گواستنەوەی “سامان یاسین” به بڕیاری قازی سەڵواتی لە ٣١ی پووشپەڕ بۆ نەخۆشخانەی دەروونی “ئەمین ئاباد”، له ژێر گوشاری میدیاكان ڕژیم ناچار بوو ئه‌و هونه‌رمه‌نده بۆ زیندانی ڕه‌جایی شار بگه‌ڕێنێته‌وه.
بەپێی زانیارییه‌كان، ڕۆژی سێشەممە ٣ی گەلاوێژ، دوای چوار ڕۆژ خەواندنی زۆرەملێ “سامان یاسین” لە نەخۆشخانەی دەروونی “ئەمین ئاباد(ڕازی)” بۆ جارێكی دیكه گەڕێندرایه‌وه زیندانی ڕەجاییی شار له کەرەج. له كاتی گواستنه‌وه، “سامان” دژبه بڕیاری قازی ناڕه‌زایه‌تی ده‌ربڕی به‌ڵام چوار سەربازی بەندیخانە و دوو ئەفسەری ئاسایشی نەخۆشخانەکە و به‌رپرسێكی زیندان هێرشیان کردۆتە سەر سامان و بە توندی لێیان داوه. پاش گواستنه‌وه‌ی سامان بۆ ژوورێكی ده‌رمانی، چه‌ند ده‌رزیان لێ داوه و ئه‌فسه‌ره‌كان سووكایه‌تیان پێ كردووه.