سەر لە بەیانی ڕۆژی سێشەممە ١٦ی مانگی خەرمانان، کۆمەڵێک لە هاووڵاتییانی ئەفغانی نیشتەجێی ئێران، لە ناڕەزایەتی بە دەسەڵاتداری تالیبان و دەستێوەردانەکانی پاکستان، لە بەرانبەر سیفارەتی ئەو وڵاتە لە تاران، دەستیان دایە کۆبوونەوەی ناڕەزایەتی.
بە پێی ڕاپۆرتەکان، بەشدار بووانی ئەو کۆبوونەوە بە وتنەوەی درووشمەکانی “مەرگ بۆ تالیبان” و “مەرگ بۆ پاکستان”، ناڕەزایەتی خۆیان لە ئاست بێدەنگی کۆمەڵگای نێودەوڵەتی لە ئاست گۆڕانکارییەکانی ئه‌فغانستان دەربڕی و خوازیاری ڕێگریکردن لە دەستێوەردانەکانی دەوڵەتی پاکستان لەو وڵاتە بوون.