لە کاتێک دا کە بەرپرسانی ئیدارەی برق لە ئێران هۆکاری بڕانی بەربڵاوی برقیان بۆ لە کار کەوتنی دوو دانە لە نیرووگاکان راگەیاندووە، شیرکەتی ئاو و ئاوەڕۆش هۆشداری داوە کە دۆخی کەم ئاوی لە رادەبەدەر، زیاد لە 101 شاری گرتووەتەوە.
لە رۆژەکانی رابردوو، بەشێکی زۆر لە تاران و کەرج بە بێ ئاگادار کردنەوە، تووشی بڕانی برق هاتن و لە گەرمای تاقەت پرووکێنی هاوین چەندین کاتژمێر بە بێ برق مانەوە. بێجگە لە تاران و کەرەج لە چەندین شاری دیکەش ئەم دۆخە بەرداوم بووە و لە شارەکانی سنە، ئەهواز، ئیسفەهان، مەشهەد، شیراز، زاهیدان، کرماشان، سمنان و زابۆل… خەڵک تووشی بڕانی برق هاتوون. بەرپرسانی حکوومەتی هۆکاری کووژانەوە و بڕانی برقیان بۆ لە کار کەوتنی دوو دانە لە نیرووگاکان گەڕاندووەتەوە. کووژانەوی بەربڵاوی برق لە کاتێکدایە کە کەم ئاویش بەربینگی بە زۆرینەی شار و گووندەکانی ئێران گرتووە و بە جۆرێک لە زیاد لە 101 شار دۆخی نائاسایی و سوور راگەیەندراوە.