ڕۆژی شه‌ممه ٢٢ی مانگی ڕێبه‌ندان، ژمارەی قوربانیانی بوومەلەرزەكه‌ی تورکیا و سوریا گەیشتە ٢٢ هەزار کەس. لەم ڕووداوەدا نزیکەی ٨٠ هەزار کەس بریندار بوون.
“ڕۆبەرت هۆڵدن”، بەڕێوەبەری کارەساتی سروشتی ڕێکخراوی تەندروستی جیهانی لە ڕاپۆرتێکدا ڕایگەیاند، ئەوانەی لە بوومەلەرزە ترسناکەکەی سوریا و تورکیا ڕزگاریان بووە، ئێستا ڕووبەڕووی کێشەی جددی بوونەتەوە بەمەبەستی درێژەدان بە ژیانیان، لەوانە دابینکردنی ئاو، دامەزراوە سەرەتاییەکانی ژیان، وزە و خواردن. بە وتەی ناوبراو، ئەگەر بە خێرایی وەک قۆناغی یەکەمی گەڕان و ڕزگارکردن ڕێوشوێن نەگیرێتەبەر، ڕەنگە ژمارەی بریندارەکان لەم قۆناغەدا بەقەد کارەساتی یەکەم زیاد بکات. زیاتر لە چوار ڕۆژ بەسەر ڕوودانی بوومەلەرزە لە ناوچە بەرفراوانەکانی تورکیا و سوریا تێدەپەڕێت. هێزەکانی فریاکەوتن و فریاگوزاری هێشتا لە هەوڵی ئەوەدان کە لە ژێر داروپەردووی باڵەخانە وێرانبووەکان لە بارودۆخی سه‌رمای زستاندا ڕزگاربووان دەربهێنن.