سه‌رۆكی ئۆرژانسی ئازه‌ربایجانی غه‌ربی ڕۆژی چوارشه‌ممه ٢٨ی سه‌رماوه‌ز ڕایگه‌یاند: ٨٣ كه‌س له تالاره‌كانی زه‌ماوه‌ند له شاره‌كانی بارووق، سه‌ڵماس و نه‌غه‌ده به‌هۆی بڵاوبوونه‌وه‌ی گازی مۆنۆكسیدی كه‌ربوون ژاراوی بوون.
ئه‌و به‌رپرسه‌ی ڕژیم هۆكاری بڵاوبوونه‌وه‌ی گازی مۆنۆكسیدی كه‌ربۆنی له نێو تالاره‌كانی زه‌ماوه‌ند بۆ كه‌ڵك وه‌رگرتن له ئامێر گه‌ره‌مكه‌ره‌وه‌ی ناستاندارد و كنتڕۆڵ نه‌كردنی لووله و نه‌بوونی هه‌واكه‌ش گه‌ڕاندۆته‌وه. به‌پێی ئاماری ئۆرژانسی پارێزگای ورمێ، ١٨ كه‌س له شاری نه‌غه‌ده، ٣٢ كه‌س له ساری سه‌ڵماس و ٣٣ كه‌س له شاری بارووق به‌هۆی هه‌ڵمژینی گازی مۆنۆكسیدی كه‌ربۆن ژاراوی و ڕه‌وانه‌ی نه‌خۆشخانه كراون.