به‌پێی هه‌واڵی گه‌یشتوو، ڕۆژی هه‌ینی ٣ی خاكه‌لێوه، ناونده ئه‌منیه‌تیه‌كانی سه‌قز ڕێگه‌یان نه‌دا خه‌ڵك له گۆڕستانی ئایچی سه‌قز كۆببنه‌وه و مه‌راسمی نه‌ورۆز له ته‌نیشت مه‌زاری “ژینا ئه‌مینی” به‌ڕێوه ببه‌ن.
به‌پێی ئه‌و ڕاپۆرته، هه‌زاران شارومه‌ندی سه‌قزی خۆیان بۆ مه‌راسمی نه‌ورۆز له گۆڕستانی ئایچی ئاماده كردبوو، به‌ڵام ناوه‌نده ئه‌منیه‌تیه‌كان و هێزه‌كانی سه‌ركوتی كۆماری ئیسلامی شوێنه‌كه‌یان گه‌مارۆ دا و به هه‌ڕه‌شه‌كردن له خه‌ڵك ڕێگه‌یان نه‌دا مه‌شغه‌ڵی ڕزگاری له‌سه‌ر مه‌زاری نه‌مر “ژینا ئه‌مینی” هه‌ڵ بكرێت.