ڕۆژی سێشه‌مه ٤ی مانگی ڕه‌زبه‌ر، ساڵڕۆژی گیانبه‌ختكردنی “عه‌بدۆلسه‌لام قادر گه‌ڵوان” له شنۆ بوو و هێزه‌كانی ڕژیم ڕێگه‌یان نه‌دا بنه‌ماڵه‌ی ئه‌و هه‌میشه زیندووه له‌سه‌ر مه‌زاری ڕۆڵه‌كه‌یان كۆببنه‌وه.
به‌پێی زانیارییه‌كان، ئیداره‌ی ئیتلاعاتی شنۆ بنه‌ماڵه‌ی “عه‌بدۆلسه‌لام قادر گه‌ڵوان”یان بۆ ئه‌و ناوه‌نده ئه‌منیه‌تیه بانگهێشت و به‌ڵێننامه‌یان لێ وه‌رگرتوون كه به هیچ شێوه‌یه‌ك له سه‌ر مه‌زاری ڕۆڵه‌كه‌یان كۆبوونه‌وه به‌ڕێوه نه‌به‌ن. جێگای ئاماژه‌یه كه ڕۆژی ٣٠ی خه‌رمانانی ١٤٠١ و له ڕه‌وتی شۆڕشی “ژینا”، عه‌بدۆلسه‌لام قادر گه‌ڵوان”ی ته‌مه‌ن ٣٢ ساڵ به ته‌قه‌ی هێزه‌كانی ڕژیم به‌سه‌ختی بریندار و پاش چوار ڕۆژ به‌سته‌ری بوون له نه‌خۆشخانه‌یه‌كی شاری ورمێ، ڕۆژی ٤ی ڕه‌زبه‌ر، گیانی به‌خت كرد.