کۆمەڵە_رێكخراوی كوردستانی حیزبی كۆمونیستی ئیران
ئێران

ڕێپێوانی ناڕه‌زایه‌تی كرێكارانی گرووپی میللی فولادی ئه‌هواز

ڕۆژی شه‌ممه‌ ٧ی ڕێبه‌ندانی ١٤٠٢، كرێكارانی گرووپی میللی فولادی ئه‌هواز بۆ جارێكی دیكه‌ دژبه‌ حێبه‌جێ نه‌كردنی داخوازییه‌كانیان ده‌ستیان له‌كار كێشایه‌وه‌ و خۆپێشاندانیان كرد.

ماوه‌ی چه‌ند مانگه‌ كه‌ كرێكارانی گرووپی میللی فولادی ئه‌هواز داوای به‌كرده‌وه‌ده‌رهاتنی گه‌ڵاڵه‌ی ڕیزبه‌ندی پیشه‌كان، گه‌ڕانه‌وه‌ی هاوكاره‌ له‌سه‌ركار ده‌ركراوه‌كانیان بۆ سه‌ر كار و وه‌لانانی  بانكی میللی وه‌كوو به‌ڕێوه‌به‌ری ئه‌و ناوه‌نده‌ سه‌نعه‌تیه‌ ده‌كه‌ن، به‌ڵام به‌رپرسانی ڕژیم هه‌ر جار و ته‌نیا به‌ڵێنی درۆیان پێ داون. له‌ ڕۆژانی ڕابردوودا، بانكی میللی و خاوه‌نكار به‌ڵێنیان دا ٥٠ له‌ سه‌دی گه‌ڵاڵه‌ی ڕیزبه‌ندی له‌ سه‌ره‌تای مانگی ڕێبه‌ندانه‌وه‌ جێبه‌جێ بكه‌ن، كه‌ به‌ مانای به‌كرده‌وه‌ده‌رهاتنی ٥ له‌سه‌دی گه‌ڵاڵه‌ی ڕیزبه‌ندی له‌گه‌ڵ ئیزافه‌كردنی یه‌ك ملیۆن و ٥٠٠ هه‌زار تمه‌ن به‌ حه‌قده‌سته‌كانیانه‌. بڕیاره‌كانی خاوه‌نكار توڕه‌یی كرێكارانی لێكه‌وته‌وه‌ و ڕۆژی شه‌ممه‌ پاش ده‌ست له‌كاركێشانه‌وه‌ تا به‌رده‌م ئوستانداری و دادگوسته‌ری خووزستان ڕێپێوانیان كرد و دروشمه‌كانی “كرێكاری فولادیم، دژبه‌ زاڵم ده‌جه‌نگیم” و “ئه‌گه‌ر جێبه‌جێ نه‌كرێت، ئه‌هواز قیامه‌ت ده‌بێت”یان به‌رز كرده‌وه‌.

بابەتی پەیوەندیدار

هێرشی هێزه‌كانی حكوومه‌ت بۆ سه‌ر به‌ندكراوانی سیاسی و بیرمه‌ند له‌ زیندانی ورمێ

-

دیوارنووسی و په‌یامی بنه‌ماڵه‌ی دادخوازان و چالاكانی كرێكاری بۆ بایكۆتی هه‌ڵبژاردنه‌كان

-

دیداری بنه‌ماڵه‌ی دادخوازان له‌ سه‌روبه‌ندی هه‌ڵبژاردنه‌كانی مه‌جلسی ڕژیم

-

كوژران و برینداربوونی چه‌ندین كه‌س له‌ هێرشی په‌هبادی توركیا بۆ سه‌ر ڕۆژئاوای كوردستان

-

كۆبوونه‌وه‌ی بنه‌ماڵه‌ی قوربانیانی كه‌شتی سانچی له‌ شومالی تاران

-

مانگرتنی كرێكارانی كارخانه‌ی ماشین‌سازی له‌ ته‌ورێز

-