کۆمەڵە_رێكخراوی كوردستانی حیزبی كۆمونیستی ئیران
جیهان

ڕێپێوانی ناڕه‌زایه‌تی خه‌ڵكی بلژیك دژبه‌ كۆماری ئیسلامی

هه‌زاران شارۆمه‌ندی بلژیكی ڕۆژی یه‌كشه‌ممه‌ ٢ی مانگی ڕێبه‌ندان، له‌ ناڕه‌زایه‌تی به‌ ده‌ستبه‌سه‌ركردنی یاریده‌رێكی بلژێكی به‌ناوی “ئۆلیویه‌ واندكاستیل” به‌ تۆمه‌تی سیخۆڕی و سه‌پاندنی ٤٠ ساڵ زیندان به‌سه‌ریدا خۆپێشاندانیان كرد.

به‌پێی ڕاپۆرته‌كان، بنه‌ماڵه‌ی ئه‌و به‌ندكراوه‌، لایه‌نگران و دۆستانی هاوڕێ له‌گه‌ڵ هه‌زاران شارۆمه‌ندی بلژیكی له‌ شاری بڕۆكسل ڕێپیوانی ناڕه‌زایه‌تیان به‌ڕێوه‌برد و پلاكاردیان به‌ دروشمی “گیانی واندكاستیل له‌ مه‌ترسی دایه‌” و “واندكاستیل ئازاد بكه‌ن”یان به‌ده‌سته‌وه‌ گرت. جێگای ئاماژه‌یه‌ كه‌ “ئۆلیویه‌ واندكاستیل” له‌ مانگی ڕێبه‌ندانی ساڵی ١٤٠٠ی هه‌تاویه‌وه‌ له‌ زیندان ڕاگیراوه‌ و ده‌زگای قه‌زایی كۆماری ئیسلامی سزای ٤٠ ساڵ به‌ندكرانی به‌سه‌ر ئه‌و شارۆمه‌نده‌ بلژیكه‌ به‌ تۆمه‌تی سیخۆڕی دا سه‌پاندووه‌. وه‌زیری ده‌روه‌ی بلژیك له‌و باره‌وه‌ ڕایگه‌یاند: ئه‌و تۆمه‌تانه‌ی خراوه‌ته‌ پاڵ دۆسیه‌ی “واندكاستیل” ساخته و بێ بنه‌مایه‌ و ڕژیمی ئێران ئه‌و حوكمه‌ی به‌ مه‌به‌ستی قه‌ره‌بووكردنه‌وه‌ی سه‌پاندنی سزای ٢٠ ساڵ زیندان به‌سه‌ر “ئه‌سه‌دۆڵڵا ئه‌سه‌دی” دیپلۆمات تیرۆریستی ڕژیم، به‌سه‌ر ناوبراودا سه‌پاندووه‌.

بابەتی پەیوەندیدار

سه‌پاندنی ته‌حریمی نوێ به‌سه‌ر كۆماری ئیسلامی

-

شه‌رمه‌زاركردنی هێرشی كۆماری ئیسلامی بۆ سه‌ر ئیسڕائیل له‌لایه‌ن ٤٨ وڵاتی جیهان

-

دادگاییكردنی دووباره‌ی “تووماج ساڵحی” له‌ ئیسفه‌هان

-

مه‌رگی ده‌یان كه‌س به‌هۆی مه‌سره‌فی مادده‌ی هۆشبه‌ر له‌ مازه‌نده‌ران

-

ڕفاندنی خۆشكی “نیكا شاكه‌ره‌می” له‌ تاران

-

گیانله‌ده‌ستدانی شه‌ش كرێكار له‌ پایانه‌ی شه‌رقی تاران

-