کۆمەڵە_رێكخراوی كوردستانی حیزبی كۆمونیستی ئیران
هه‌واڵه‌کان

ڕێپێوانی كرێكارانی گرووپی میللی فوولادی ئه‌هواز

ڕۆژی یه‌كشه‌ممه‌ ٣ی به‌فرانباری ١٤٠٢، كرێكارانی ته‌واوی به‌شه‌كانی گرووپی میللی فوولادی ئه‌هواز بۆ دووهه‌مین ڕۆژی به‌رده‌وام دژبه‌ له‌سه‌ركارده‌ركردنی كۆمه‌ڵێك له‌ هاوكاره‌كانیان، ده‌ستیان له‌كار كێشاوه‌ و له‌ به‌رده‌م شیركه‌ت تا مه‌یدانی به‌قایی ئه‌هواز ڕێپێوانیان كرد.

به‌پێی ڕاپۆرته‌كان، ڕۆژی ڕابردوو كرێكارانی ته‌واوی به‌شه‌كانی گرووپی میللی فوولادی ئه‌هواز له‌ ناڕه‌زایه‌تی به‌ له‌سه‌ركارده‌ركردنی ٢١ كه‌س له‌ هاوكاره‌كانیان و به‌كرده‌وه‌ده‌رنه‌هاتنی گه‌ڵاڵه‌ی ڕیزبه‌ندی پیشه‌كان، ده‌ستیان له‌ كار كێشایه‌وه‌ و به‌ڕێوه‌به‌ری شیركه‌تیان له‌ ده‌فته‌ره‌كه‌ی كرده‌ ده‌ره‌وه‌. ڕۆژی یه‌كشه‌ممه‌ له‌گه‌ڵ بڵاوبوونه‌وه‌ی هه‌واڵی بێكاركردنی ١٧ كرێكاری دیكه‌، كرێكارانی ناڕازی بۆ دووهه‌مین ڕۆژی به‌رده‌وام مانیان گرت و خوازیاری گه‌ڕانه‌وه‌ی هاوكاره‌كانیان بۆ سه‌ر كار بوون. ناڕازیان له‌ به‌رده‌م شیركه‌ت تاكوو مه‌یدانی به‌قایی ئه‌هواز ڕێپێوانیان كرد و دروشمی “هه‌ڕه‌شه‌ و زیندان چیتر كاریگه‌ری نییه‌”یان به‌رز كرده‌وه‌. كرێكارانی سه‌نعه‌تی فوولادی ئه‌هواز خوازیاری ئه‌منیه‌تی پیشه‌یی و گه‌ڕانه‌وه‌ی هاوكاره‌كانیان بۆ سه‌ر كار، به‌كرده‌وه‌ده‌رهاتنی گه‌ڵاڵه‌ی ڕیزبه‌ندی پیشه‌كان، هاوسانسازی حه‌قده‌سته‌كانیان له‌گه‌ڵ كرێكارانی فوولاد له‌ شاره‌كانی دیكه‌ی ئێران، دامه‌زراندنی ڕێكخراوه‌ی سه‌ربه‌خۆی كرێكاری و چاكسازی له‌ بواری ژیان و مه‌عیشه‌ت بوون.

بابەتی پەیوەندیدار

چالاكی موعه‌لیمانی مه‌ریوان به‌ بۆنه‌ی ڕۆژی جیهانی زمانی دایكی

-

به‌ڕێوه‌چوونی مه‌راسمی ڕۆژی جیهانی زمانی دایكی له‌ زانكۆی كوردستان

-

بانگه‌وازی كرێكارانی چه‌پ و كۆمۆنیستی سنه‌ بۆ بایكۆتكردنی هه‌ڵبژاردنه‌كانی ڕژیم

-

ده‌ستبه‌سه‌ركردنی چالاكێكی مه‌ده‌نی له‌ شاری مه‌ریوان

-

به‌رینداربوونی سێ كۆڵبه‌ر له‌ سنووری نه‌وسوود

-

ماڵئاوایی له‌ ژیانی “حەمید ئاخ” چالاکی مەدەنی ناسراوی كورد لە ئاڵمان

-