خانه‌نشینكراوانی سه‌نعه‌تی فولاد ڕۆژی یه‌كشه‌ممه ٣٠ی گوڵان له شاره‌كانی تاران، ئه‌هواز و ئیسفه‌هان به مه‌به‌ستی گه‌یشتن به داخوازییه‌كانیان ڕژانه سه‌ر شه‌قام و ڕێپێوانیان كرد.
خانه‌نشینكراوانی سه‌نعه‌تی فه‌لاد به كۆبوونه‌وه له‌به‌رده‌م سندووقی خانه‌نشینی و ئوستانداری پارێزگاكانیان خوازیاری زیادكردنی حه‌قده‌ست و مه‌زایا، هاوسانسازی حه‌قده‌ست، گه‌ڕانه‌وه‌ی سه‌ربه‌خۆیی به سندووقی خانه‌نشینی كرێكارانی سه‌نعه‌تی فولاد و هه‌ڵوه‌شاندنه‌وه‌ی بڕیاری ده‌وڵه‌ت بۆ تێكه‌ڵكردنی سندووقه‌كانی خانه‌نشینی بوون.