ڕۆژی چوارشه‌ممه ٣٠ی جۆزه‌ردان، مه‌ئموورانی شاره‌داری زاهیدان هێرشیان كرده سه‌ر ماڵی كرێكارێكی به‌لووچ به ناوی “بێهزاد ئاشۆفته”، خێزاندار و باوكی پێنج منداڵ و دیواری ماڵه‌كه‌یان ڕووخاند.
به‌پێی ڕاپۆرتی كه‌مپه‌ینی چالاكانی به‌لووچ، مه‌ئموورانی شاره‌داری چوونه‌ته به‌رده‌م ماڵی شارومه‌ندێكی هه‌ژاری به‌لووچ له ده‌ورووبه‌ری شاری زاهیدان و داوای به‌رتیلیان لێ كردووه. كاتێك ئه‌و کەسە ناڕه‌زایه‌تی ده‌ربڕیوه، مه‌ئموورانی شاره‌داری هه‌وڵی ڕووخاندنی ماڵه‌كه‌یان داوه، به‌ڵام دراوسێكانی كۆبوونه‌ته‌وه و ڕێگه‌یان نه‌داوه و ته‌نیا چه‌ند دیواری ئه‌و خانووه له‌لایه‌ن شاره‌دارییه‌وه تێك دراوه.