ڕۆژی هه‌ینی ١٨ی جۆزه‌ردان، حووسییه‌كانی یه‌مه‌ن ٩ كارمه‌ندی نه‌ته‌وه‌یه‌كگرتووه‌كانیان ڕفاند و هێشتا مه‌به‌ستیان له ئه‌نجام دانی ئه‌و كرده‌وه ئاشكرا نه‌كردووه.
ئه‌و ٩ كه‌سه كه پێكهاتبوون له ٧ پیاو و دوو ژن، ئه‌ندامانی ئاژانسی مافی مرۆڤی نه‌ته‌وه‌یه‌كگرتووه‌كان، به‌رنامه‌ی گه‌شه‌پێدانی ئه‌و ڕێكخراوه، به‌رنامه‌ی جیهانی خۆراك و نوێنه‌ری تایه‌بتی نه‌ته‌وه‌یه‌كگرتووه‌كان له كاروباری یه‌مه‌ن بوون. شایانی باسه كه چه‌كدارانی حووسی هاوژینی یه‌كێك له‌و كارمه‌ندانه‌شیان ڕفاندووه و ئه‌گه‌ری هه‌یه ڕێژه‌ی ده‌ستبه‌سه‌ركراوان زۆرتر بێت.