کۆمەڵە_رێكخراوی كوردستانی حیزبی كۆمونیستی ئیران
راگه‌یاندنه‌كان

ڕاگەیاندنی نوێنەرایەتی کۆمەڵه له دەرەوەی وڵاتبه بۆنەی ماڵئاوایی لە ژیانی هاوڕێ عبدالله‌ عبدالهی

ڕاگەیاندنی نوێنەرایەتی کۆمەڵه له دەرەوەی وڵاتبه بۆنەی ماڵئاوایی لە ژیانی هاوڕێ عبدالله‌ عبدالهی

 

بەداخ و پەژارەیەکی زۆرەوە ئاگادار بووین کە هاوڕێ عبدالله‌ عبدالهی، ناسراو به ”مەلا عبدالله‌ سەرباز” بە هۆی نەخۆشینەوە لە وڵاتی ئاڵمان ماڵئاوایی لە ژیان کرد.

هاوڕێ عبدالله‌ ساڵی ١٩٣٣ زاینی له‌ ناوچه‌ی شنۆ له‌ دایك بوو. خه‌باتی سیاسی له‌ ساڵی ١٣٣٠ هەتاوی دژی حكومه‌تی پاشایەتی ده‌ست پێ كرد. ساڵی ١٣٣٨ به هۆی چالاکی سیاسییەوە له‌ لایەن ساواكه‌وه‌ دەستبەسەر کرا. هاوڕێ عبدالله‌ له‌ شۆرشی ساڵی ساڵی ١٣٤٧ بەشداری چالاکانەی کرد و دواتر بۆ ماوەیەک لە باشووری کوردستان وەک پێشمەرگە درێژەی بە خەبات دا. كاتی گه‌ڕانه‌وه‌ی بۆ ئێران لە لایەن ساواکەوە دیسانەوە دەستبەسەر کرا و بە پێنج ساڵ زیندان مە‌حکووم کرا. هاوڕێ عبدالله‌ لە شۆڕشی ساڵی ١٣٥٧ چالاکانە بەشداری کرد و یەکێک لە دیارترین پێشەنگانی ئەو شۆرشە لە ناوچەی مه‌رگه‌وه‌ر بوو. هاوڕێ عبدالله‌ ساڵی ١٣٥٨هاته‌ ناو ڕیزەكانی كۆمه‌ڵه‌ و بوو به سیمایەکی ناسراو و کادیرێکی جێی متمانه. هاوڕێ عبدالله‌ له‌ ساڵی ١٩٩٠ له وڵاتی ئاڵمان نیشتەجێ بوو و لێرەش بە خەبات و تێکۆشان دژی ستەم و هەڵاواردن درێژەی دا.

هاوڕێ عبدالله‌ خه‌باتكارێكی به‌ ئه‌زموون بوو كه‌ به‌ درێژایی ژیانی دژی زوڵم و كۆنه‌‌په‌رستی خەباتی کرد وەفادار به ڕێبازی هەژاران و چەوساوەکان مایەوە.

بە بۆنەی ماڵئاوایی لە ژیانی هاوڕێ عبدالله‌ سەرەخۆشی دەکەین لە سەرجەم بنەماڵەی ئەم ئازیزە و خۆمان بە شەریکی غەمیان دەزانین.

نوێنەرایەتی کۆمەڵە لە دەرەوەی وڵات

بابەتی پەیوەندیدار

بانگەوازی کۆمیتەی ناوەندی کۆمەڵە بۆ مانگرتنی گشتی ١٦ی سەرماوەز ، ڕۆژی خوێندکار، لە هەموو کوردستان

-

  بەیانیەی حیزبی کومونیستی ئێران بۆ ڕێزگرتن لە ١٦ سەرماوەز رۆژی دانشجو

-

  ڕاگەیاندنی کۆمیتەی ناوەندی کۆمەڵە بۆ بانگەواز کردنی خەڵکی سەرتاسەری ئێران، بە بەشداری کردن لە مانگرتنێکی گشتی بۆ پشتیوانی لە خەڵکی کوردستان 

-

ڕاگەیاندنی کۆمیتەی ناوەندی کۆمەڵە

-

ڕاگەیاندنی کۆمیتەی ناوەندی کۆمەڵە

-

راگەیاندنی دەبیرخانەی كۆمیتەی ناوەندی كۆمەڵە سەبارەت بە مەحكووم كردنی هێرشی موشكی و پەهپادی بۆ سەر ناوەندی حیزبە سیاسیەكانی كوردستانی ئێران لە هەرێمی كوردستان

-