ئاگادار کراین کە میرزا عه لی نادری، کەسایەتی ناسراو، دڵسۆز و تێکۆشەر، لە وڵاتی سوئید ماڵئاوایی له ژیان کرد. میرزا عه لی نادری تەسلیمی هەلومەرجی داسەپاو لە سەرەنجامی هاتنە سەر دەسەڵاتی کۆماری ئیسلامی نەبوو و بەردەوام وەک کەسایەتیێکی ئازادیخواز و جێگای ڕێز و حورمەتی کۆمەڵانی خەلک ناسراو بوو. رۆڵه کانی میرزا عەلی، به تایبەت هاورێ حەسەن نادری، له تێکۆشەرانی ناسراوی جەمعیەتەکانی شاری سەقز بوو کە پاشان بوو به کادر و پێشمەرگەری کۆمەڵە و دواتریش به داخەوە لە شەڕ له گەڵ هێزەکانی کۆماری ئیسلامی دا گیانی بەخت کرد. چەندین منداڵی تری میرزا عەلی له ڕیزەکانی کۆمەڵەدا پێشمەرگە بوون و بە درێژایی چەندین ساڵ لە ڕیزەکانی کۆمەڵەدا خەباتیان کرد.
ئەو کاتانەی که ناوچه ئازاد کراوەکانی کوردستان به دەست پێشمەرگەوە بوون، ماڵی میرزا عەلی نادری هەمیشە شوێنی حەسانەوەی پێشمەرگه و تێکۆشەرانی سیاسی، بە تایبەت شوێنی حاسانەوەی پێشمەرگەکانی کۆمەڵە بوو. میرزا عەلی دوای نیشتەجێ بوونیشی لە وڵاتی سوئێد هەروا پشتیوانی کۆمەڵە مایەوە.
بەم شێوەیە یادی خۆشەویستی کاک عەلی نادری بەرز ڕادەگرین و سەرەخۆشی لە سەرجەم بنەماڵەی ئەم ئازیزە دەکین و خۆمان بە شەریکی غەمیان دەزانین.
نوێنەرایەتی کۆمەڵە لە دەرەوەی وڵات
٩ ژانویەی ٢٠٢١