به پێی ڕاپۆرتی ناوه‌ندی دێمۆكراسی و مافی مرۆڤی كوردستان، “چه‌نگیز قه‌ده‌م خه‌یر” به‌ندكراوی سیاسی و دانیشتووی شاری كامیاران، له زیندانی “مسجد سلیمان”وه گوازراوه‌ته‌وه بۆ شوێنێكی نادیار.
به پێی ئه‌م ڕاپۆرته، “چه‌نگیز قه‌ده‌م خه‌یر” كه پێشتر له ڕێكه‌وتی ١٩ی جۆزه‌ردانی ساڵی ٩٠ له لایه‌ن هێزه‌كانی سپای پاسداران له نزیك شاری سنه ده‌ستبه‌سه‌ر كرابوو، ڕۆژی سێشه‌ممه ٢٧ی گه‌ڵارێزان، له زیندانی “مسجد سلیمان”وه گوازترایه‌وه بۆ شوێنێكی نادیار. ئه‌مه له كاتێكدایه كه ناوبراو پێشتر له ڕێكه‌وتی ١٤ی ڕه‌شه‌ممه‌ی پاره‌كه، له ناڕه‌زایه‌تیی به پێڕانه‌گه‌یشتنی پزیشكی و دژایه‌تی ئیداره‌ی ئیتلاعاتی كامیاران له‌گه‌ڵ نادرنی بۆ مه‌ره‌خه‌سی، ده‌ستی دابووه مانگرتن له خواردن و ڕۆژی شه‌ممه ١٧ی ڕه‌شه‌ممه، پاش خوێنرێژی كردنی گورچیله‌كانی له‌سه‌ر داواكاری پزیشكی چاوه‌دێر، كۆتایی به مانگرتن له خواردنه‌كه‌ی هێنابوو. جێگه‌ی ئاماژه‌یه، ناوبراو به تۆمه‌تی “ئه‌ندام بوون له یه‌كێك له حیزبه نه‌یاره‌كانی ڕژیم” به ٤٠ ساڵ زیندان و دوورخرانه‌وه بۆ زیندانی مسجد سلیمان مه‌حكووم كرابوو.