به پێی ڕاپۆرتی هه‌واڵنێریی هێرانا، ڕۆژی دووشه‌ممه ٢٤ی مانگی پووشپه‌ڕ ٤ به‌ندكراو له زیندانی ورمێ كه پێشتر به تۆمه‌تی “كوشتن” له لایه‌ن دادگاوه به ئێعدام مه‌حكووم كرابوون، به مه‌به‌ستی جێبه‌جێ كردنی حوكمه‌كه‌یان گوازرانه‌وه بۆ ژووری تاكه‌كه‌سی ئه‌م زیندانه.
به پێی ئه‌م ڕاپۆرته، ته‌نیا ناوی یه‌كێك له‌م به‌ندكراوانه به ناوی “هێمن به‌ناوه‌ند” دانیشتووی پیرانشار ڕاگه‌یه‌ندراوه و ناسناوی ئه‌و سێ به‌ندكراوه‌ی دیكه هێشتا بڵاونه‌كراوه‌ته‌وه. به پێی ڕاپۆرتی ناوه‌نده‌كانی نێوده‌وڵه‌تی، ئێران به پێی هه‌ژماركردنی جه‌معییه‌تی و ڕێژه‌ی ئێعدامه‌كان، پله یه‌كه‌می له ئێعدامی هاووڵاتییانی خۆی له جیهاندا هه‌یه.