به پێی ڕاپۆرتی ناوه‌ندی دێمۆكراسی و مافی مرۆڤی كوردستان، هاووڵاتییه‌كی خه‌ڵكی ورمێ به ناوی “بێهزاد ته‌ڵایی” كه ڕۆژی ٧ی ڕه‌زبه‌ر له لایه‌ن هێزه ئه‌منییه‌كانی ڕژیمه‌وه ده‌ستبه‌سه‌ر كرابوو، دوای ته‌واوبوونی قۆناغه‌كانی لێپرسینه‌وه گوازترایه‌وه بۆ زیندانی ناوه‌ندی ئه‌مشاره.
به پێی ئه‌م ڕاپۆرته، “بێهزاد ته‌ڵایی” دانیشتووی گوندی ته‌رگه‌وه‌ر”ی ورمێ ڕۆژی چوارشه‌ممه ٢٣ی ڕه‌زبه‌ر له گرتووخانه‌ی ئیتلاعاته‌وه ڕه‌وانه زیندانی ناوه‌ندی ئه‌مشاره كرا. ئه‌مه له‌كاتێكدایه كه هه‌تا كاتی بڵاوكردنه‌وه‌ی ئه‌م هه‌واڵه، هیچ زانیارییه‌ك له هۆكاری ده‌ستبه‌سه‌ركردنی ناوبراو له‌به‌ر ده‌ستدا نییه.