هاووڵاتییەکی خەڵکی شاری جوانڕۆ، بۆ تێپەڕاندنی ماوەی حوکمەکەی، بۆ زیندانی “دیزڵ ئاوا”ی شاری کرماشان ڕاگوێزرا.
بەپێی ئه‌م ڕاپۆرته، له ماوه‌ی چه‌ند ڕۆژی ڕابردوودا، هاووڵاتییەک بە ناوی “یاسر نووری”، خەڵکی شاری جوانڕۆ، بۆ تێپەڕاندنی چوار مانگ زیندانیی تەعزیری، گوزارایه‌وه بۆ زیندانی دیزڵ ئاوای کرماشان. ماوەیەک پێشتر، ناوبراو بە تۆمەتی هاوکاری لەگەڵ یەکێک لە حیزبە نه‌یاره‌كانی دژ به ڕژیم، بە چوار مانگ زیندانیی تەعزیری مەحکووم کرابوو. شایانی باسه، ئەم هاووڵاتییە، یەکەم جار ساڵی ٩٦ بۆ ماوەی ٣ مانگ دەستبەسەر و لێپرسینەوەی لەگەڵ کرا.