به پێی ڕاپۆرتی ڕێكخراوی مافی مرۆڤی هەنگاو، لە ماوەی ڕۆژانی ڕابردوودا سێ بەندکراوی سیاسی خەڵک شاری شنۆ کە لە زیندانی ناوەندیی ئەمشارە ڕاگیرابوون، گوازراونتەوە بۆ زیندانی ناوەندیی نه‌غه‌ده.
بەپێی ئه‌م ڕاپۆرته، سێ بەندکراوی سیاسی خەڵکی شاری شنۆ بە ناوەکانی “وەهاب عەلیزادە، غەفوور بەرهەم و یەعقووب زەردشوانە” لە زیندانی ناوەندیی ئەو شارەوە بۆ زیندانی ناوەندیی نەغەدە گوازراونەتەوە. غەفوور بەرهەم پووشپەڕی ساڵی ٩٧ دەستبەسەر و دواتر لە لایەن دەزگای قه‌زایی ڕژیمه‌وه حوکمی ١١ ساڵ زیندانی بەسەردا سەپابوو کە بەپێی یاسای کۆکردنەوەی حوکمەکان پێنج ساڵی شیاوی جێبەجێ کردنە. ناوبراو له مانگی گوڵانی ئەمساڵ بۆ تێپەڕاندنی ماوەی حوکمەکەی دەستبەسەر و ڕەوانەی زیندانی شنۆ کرابوو. هه‌روه‌ها “یەعقووب زەردشوانە”، کە پێشتر حوکمی سێ ساڵ بەندکرانی بەسەردا سەپابوو، بۆ زیندانی نەغەدە گوازراوەتەوە. ناوبراو ساڵی ڕابردوو دەستبەسەر و بە تۆمەتی “هاوکاری له‌گه‌ڵ یه‌كێك له حیزبه نه‌یاره‌كانی ڕژیم” حوکمی سێ ساڵ زیندانی بە سەردا سەپابوو. “وەهاب عەلیزادە”ش ڕۆژی ٢٧ی ڕێبەندانی پاره‌كه بە مەبەستی تێپەڕاندنی ماوەی سێ ساڵ له حوکمەکەی دەستبەسەر کرابوو. جێگه‌ی ئاماژه‌یه، ناوبراو سال ٩٧ دەستبەسەر و دواتر بە هه‌مان تۆمه‌ت حوکمی سێ ساڵ زیندانی بە سەردا سەپابوو.