ڕۆژی هه‌ینی ١٤ی مانگی ڕه‌زبه‌ر، دایكانی دادخوازی سنه له ڕاگه‌یه‌ندراوێكدا داویان له خه‌ڵكی ئازادیخوازی كوردستان كرد كه ڕۆژی ١٦ی ڕه‌زبه‌ری ١٤٠٢ له‌سه‌ر مه‌زاری گیانبه‌ختكردووانی ڕێگای ئازادی و به‌رابه‌ری كۆببنه‌وه.
ڕۆژی ڕابردوو دایكانی دادخوازی سنه له‌سه‌ر مه‌زاری گیانه‌بختكردووان “په‌یمان منبه‌ری”، “یه‌حیا ڕه‌حیمی”، “داریووش عه‌لیزاده” و “محه‌ممه‌د ئه‌مینی” كۆبوونه‌وه و له ڕاگه‌یه‌ندراوێكدا داوایان له خه‌ڵكی ئازادیخوازی كوردستان كرد كه بۆ ڕۆژی ١٦ی ڕه‌زبه‌ری ١٤٠٢ له سه‌ر مه‌زاری گیانبه‌ختكردووانی ڕێگای ئازادی و به‌رابه‌ری دا كۆببنه‌وه و په‌یمان له‌گه‌ڵ ئاواته‌كانیان نوێ بكه‌نه‌وه. دایكانی دادخواز هه‌روه‌ها وتیان: مه‌به‌ست نیشاندانی یه‌كڕیزی و یه‌كگرتووییمانه و ئه‌مانه‌وێت بۆ ده‌سه‌ڵاتی ڕوون بكه‌ینه‌وه كه ڕێگه‌مان هه‌مان ڕێگای “داریووش، په‌یمان، یه‌حیا و محه‌ممه‌د”ه و ئه‌وه ته‌نیا ڕێگای ڕزگاریمانه.