کۆمەڵە_رێكخراوی كوردستانی حیزبی كۆمونیستی ئیران
كوردستان

ڕاپۆرتێك سه‌باره‌ت به‌ به‌ڕێوه‌چوونی ڕێوڕه‌سمی ٨ی مارس له‌ ڕۆژهه‌ڵاتی كوردستان

به‌پێی هه‌واڵی گه‌یشتوو، ڕۆژی چوارشه‌ممه‌ ١٧ی مانگی ڕه‌شه‌مه‌ هاوكات له‌گه‌ڵ ٨ی مارس، ڕۆژی جیهانی ژن، ژنان و پیاوانی شۆڕشگێڕ و یه‌كسانیخواز چه‌ندین چالاكیان له‌ شاره‌ جۆراوجۆره‌كانی ڕۆژهه‌ڵاتی كوردستان به‌و مه‌به‌سته‌ ئه‌نجام دا.

به‌پێی ئه‌و ڕاپۆرتانه‌ی به‌ ده‌ستمان گه‌یشتووه‌، كۆمه‌ڵێك له‌ لاوانی شۆڕشگێڕ و ئازادیخواز له‌ شاری كامیاران، تراكتیان به‌ دروشمه‌كانی “ژن،ژیان، ئازادی” و “پیرۆزبێت ٨ی مارس” له‌ نێو شه‌قامه‌كانی شاردا بڵاو كردۆته‌وه‌ و سه‌ردانی گڵكۆی “فواد محه‌ممه‌دی” گیانبه‌ختكردووی ڕێگای ئازادیان كردووه‌. هه‌روه‌ها له‌ شاری سنه‌ لاوانی شۆڕشگێڕ له‌ شه‌قامه‌كانی په‌هله‌وی، تاڵقانی، بازاڕی هاجه‌ره‌ خاتوون، ده‌فته‌ر فه‌نی و بازاڕی عێراقیه‌كان به‌ بڵاوكردنه‌وه‌ی قه‌تعانه‌مه‌، تراكت و گوڵی سوور له‌ نێو ژنان و كچانی شاردا، ڕۆژی جیهانی ژنیان له‌ ته‌واوی ژنان و كچانی كوردستان و ئێران پیرۆزبایی كرد و دوانیوه‌ڕۆكه‌ڕی له‌ ڕێوڕه‌سمێكدا به‌یاننامه‌ و قه‌تعنامه‌یان خوێنده‌وه‌ و به‌ڵێنیان دا درێژه‌ده‌ری ڕێگای پڕ له‌ شانازی گیانبه‌ختكردووانی ڕێگای ئازادی و به‌رابه‌ری بن. هه‌روه‌ها كۆمه‌ڵێك له‌ لاوانی شۆڕشگێڕ له‌ چیای ئاویه‌ر‌ كۆبوونه‌وه‌ و دژبه‌ ڕژیمی جه‌نایه‌تكاری ئیسلامی دروشمیان به‌رز كرده‌وه‌. له‌ شاری مه‌ریوان لاوانی بوێر و ئازای ئه‌و شاره‌ به‌ بڵاوكردنه‌وه‌ تراكت له‌ نێو شه‌قامه‌كانی شار و سه‌ردانی گڵكۆی گیانبه‌ختكردووانی ڕێگای ئازادی و به‌رابه‌ری، ڕۆژی ٨ی مارس، ڕۆژی جیهانی ژنیان له‌ ته‌واوی ژنانی كوردستان و ئێران پیرۆزبایی كرد. هه‌روه‌ها له‌ داڵاهووی كرماشان لاوانی شۆڕشگێڕ به‌بۆنه‌ی ڕۆژی جیهانی ژن نه‌مامی به‌ڕویان چاندووه‌. لە شاری سەقزیش كۆمه‌ڵێك له‌ پیاوان و ژنانی ئازادیخوازی ئەو شارە له‌ ساڵۆنێكی وه‌رزشی به‌ سه‌ما، هەڵپەرکێ و گۆرانی هاتنی ٨ی مارس یان له‌ ته‌واوی ژنانی ئێران و کوردستان پیرۆزبایی كرد و له‌ نێو شه‌قامه‌كانی شاریش دا تراكتیان بڵاو كرده‌وه. له‌ شاری بۆكان كۆمه‌ڵێك له‌ لایه‌نگران و دۆستانی كۆمه‌ڵه‌ و حیزبی كۆمۆنیستی ئێران ڕێوڕه‌سمێكیان به‌ خوێندنی سروودی ئه‌نترناسیۆناڵ و یه‌ك خوله‌ك بێده‌نگی بۆ ڕێزلێنان له‌ یادی ته‌واوی گیانبه‌ختكردووانی ڕێگای ئازادی و به‌رابه‌ری ده‌ستپێكردووه‌ و باسێكیان له‌سه‌ر مێژووی ئه‌و ڕۆژه‌ و دۆخی ئێستای ژنان له‌ ئێران پێشكه‌ش بۆ‌ ئاماده‌بووان كرد. هه‌روه‌ها ژاراویكردنی قوتابیان و خوێندكاران له‌لایه‌ن به‌شداربووانەوە به‌ توندی شه‌رمه‌زار كرا و مه‌راسمه‌كه‌ش به‌ خوێندی شێعر و سروودی شۆڕشگێڕانه و بڵاوكردنه‌وه‌ی بڕیارنامە‌ كۆتایی پێهات.

بابەتی پەیوەندیدار

دووهه‌مین ڕۆژی دانووستانه‌كانی ئاشتی ئۆكراین له‌ سویس

-

سووتانی ده‌یان هێكتار له‌ دارستانه‌كانی شارستانی ڕۆسته‌م له‌ پارێزگای فارس

-

ژاراویبوونی ٢١ كه‌س به‌هۆی خواردنی كارگ له‌ ئازه‌ربایجانی شه‌رقی

-

تووشبوونی ٩٠ كه‌س به‌ ته‌بی ده‌نگی له‌ ئێران

-

ونبوونی چوار كرێكار به‌هۆی داڕمانی مه‌عده‌نی به‌رد له‌ شازه‌ند

-

مانگرتنی كرێكارانی پاكبانی شاره‌داری له‌ چابه‌هار

-