کۆمەڵە_رێكخراوی كوردستانی حیزبی كۆمونیستی ئیران
كوردستان

ڕاپۆرتێك سه‌باره‌ت به‌ بارودۆخی شاری بۆكان

ڕۆژی شه‌ممه‌ ٥ی مانگی سه‌رماوه‌ز، بەپێی هەواڵی گەیشتوو لە شاری بۆکانەوە، بارودۆخی شاری بۆکان زۆر نائاسایە، ڕژیم بەردەوام لە ڕێگای زەوی و ئاسمانەوە هێزی سەرکوتگەر ڕەوانەی ناو شار و دەوروبەری ئه‌و شاره‌ دەکات و شار بەتەواوەتی میلیتاریزەکراوە.

به‌پێی ڕاپۆرتی گه‌یشتوو، له‌ شاری بۆكان شەوانە هێزە چەکدارەکانی ڕژیم ده‌ڕژێنە ناو ماڵەکان و سەرەڕای ئەزیەت و ئازار و دەستبەسەرکردنی ئەندامانی بنەماڵەکان، بە بیانوی پشکنین، کەرەستە و پێداویستییەکانی ناو ماڵەکانیان دەشکێنن و دەشێوێنن و تەنانەت زێڕ و پوڵی خەڵک دەدزن. هەروەها لە ناڕەزایەتییەکانی چەند ڕۆژی ڕابردوودا ژومارەیەکی زۆر لە گەنج و لاوەکان گیانیان بەختکردووە و بە سەدان کەس دەستبەسەر و ژومارەیەکی زۆریش بێ سەروشوێن کراون. بە گوێرەی زانیاریەکان تەرمی زۆریەک لە گیانبەختکردوان لە سەردخانەی نەخۆشخانەی بۆکان ڕاگیراون و ڕژیم لە ڕادەستکردنەوەی تەرمەکان و ئاشکرا کردنی ناونیشانیان خۆ دەبوێرێت. ئەوە لە حاڵێکدایە کە شایەتحاڵەکان باس لەوە دەکەن کە تەرمی ژومارەیەک لەو کەسانەی لەلایەن هێزە سەرکوتکەرەکانەوە ڕفێندراون یان لەژێر ئەشکەنجەدا گیانیان لەدەستداوە، شەوانە و  بە نهێنی لەلایەن هێزەکانی ڕژیمەوە فڕێ دەدرێنە ناو ئاوی سەدی بۆکان و ئەوەش بۆتە هۆی نیگەرانی زۆری بنەماڵەی دەستبەسەرکراوان.

بابەتی پەیوەندیدار

سه‌پاندنی ته‌حریمی نوێ به‌سه‌ر كۆماری ئیسلامی

-

شه‌رمه‌زاركردنی هێرشی كۆماری ئیسلامی بۆ سه‌ر ئیسڕائیل له‌لایه‌ن ٤٨ وڵاتی جیهان

-

دادگاییكردنی دووباره‌ی “تووماج ساڵحی” له‌ ئیسفه‌هان

-

مه‌رگی ده‌یان كه‌س به‌هۆی مه‌سره‌فی مادده‌ی هۆشبه‌ر له‌ مازه‌نده‌ران

-

ڕفاندنی خۆشكی “نیكا شاكه‌ره‌می” له‌ تاران

-

گیانله‌ده‌ستدانی شه‌ش كرێكار له‌ پایانه‌ی شه‌رقی تاران

-