ڕاپۆرته‌كان باس له‌وه ده‌كه‌ن كه حووسییه‌كانی یه‌مه‌ن هێرشه‌كانیان بۆ سه‌ر عه‌ره‌بستانی سعوودی چڕتر كردووه‌ته‌وه.
ڕۆژی پێنجشه‌ممه ٣١ی مانگی گه‌لاوێژ، حووسییه‌كانی یه‌مه‌ن ڕایانگه‌یاند كه بۆ جارێكی دیكه په‌هپادێكی عه‌ره‌بستانیان كردووه‌ته ئامانج. شایانی باسه، له ماوه‌ی یه‌ك مانگی ڕابردوودا، حووسییه‌كانی یه‌مه‌ن هێرشه‌كانیان بۆ سه‌ر عه‌ره‌بستان چڕتر كردووه‌ته‌وه به جۆرێك كه له ماوه‌ی ڕۆژانی ڕابردوودا، بنكه‌یه‌كی نیزامیان له عه‌ره‌بستان كردبووه ئامانج.