وەزارەتی تەندروستى عێراق ڕایگەیاندووه، لە ٢٤ کاتژمێری ڕابردوودا ١١ توشبووی نوێ تۆمارکراون و سێ کەسیش گیانیان لەدەستداوە. هاوکات، پێنج کەسیش چاکبوونەتەوە.
وەزارەتی تەندروستى عێراق ڕۆژی دووشه‌ممه ٤ی خاكه‌لێوه لە بەیاننامەیەکدا ڕایگەیاند، لانیكه‌م ١١ تووشبوی نوێ له شاره‌كانی “ڕەسافە، کەرخ، شاری پزیشکى بەغدا، نەجەف، بەسرە و موسڵ، به‌م ویرووسه گیرۆده بوون. وەزارەتەکە ڕاشیگەیاندووە، تا ئێستا لە عێراق ٢٦٦ کەس به‌م ویرووسه توشبوون كه ٦٢ کەسیان چاکبوونەتەوە و ٢٣ کەسیش گیانیان لەدەستداوە. ئەمەش لەکاتێکدایە، سەرلەبەیانی دووشه‌ممه ١٢ حاڵەتی نوێی توشبوون بە کۆرۆنا لە هەولێر تۆمارکرا و بەوەش، ژمارەى ئەو کەسانەى لە هەرێمى کوردستاندا توشى کۆرۆنا بوون بۆ ٧٦ کەس بەرزبووەوە کە ٥٣ کەسیان لە پارێزگاى سلێمانی و ٢٢ کەسیش لە هەولێر و کەسێکیش لە دهۆکە. شایانی باسه، تا ئێستا یەک کەس بەهۆى ئه‌م ویرووسه‌وه گیانی لەدەستداوە و ٢٢ کەسی دیكه‌ش چاکبوونەتەوە.