بەرپرسێکى وەزارەتى تەندروستى ئێران رایگەیاند، لە مانگی خه‌رمانانی ئه‌مساڵه‌وه تا ئێستا ١٠٦ کەس بەهۆى نەخۆشى ئانفۆلانزای بەرازەوە لە ئوستانه‌كانی ئێران گیانیان لەدەستداوە.
حسێن عرفانیان سەرۆکى بەشى نەخۆشییەکانى گەدە لە وەزارەتى تەندروستى ئێران لە لێدوانیکیدا رایگەیاند، لە ماوه‌ی هەفتەى رابردوودا سی هەزار و ٣٥٤ کەس بەهۆى تەنگە نەفەسییەوە سەردانى نەخۆشخانەکانیان کردووە و لەو ژمارەیەش ٨٢ کەسیان توشبووى نەخۆشى ئانفۆلانزا بوون. روونیشیکردەوە، لەو ژمارەیەى حەوت کەسیان گیانیانلەدەستداوە.