کۆمەڵە_رێكخراوی كوردستانی حیزبی كۆمونیستی ئیران
جیهان

چوونه‌سه‌ره‌وه‌ی ڕێژه‌ی قۆربانیان بومه‌له‌رزه‌ له‌ ئه‌فغانستان

چوونه‌سه‌ره‌وه‌ی ڕێژه‌ی قۆربانیان بومه‌له‌رزه‌ له‌ ئه‌فغانستان

به‌ پێی ڕاپۆرته‌كان، ڕێژه‌ی قۆربانیانی بومه‌له‌رزه‌كه‌ی ڕۆژی چوارشه‌ممه‌ ١ی مانگی پووشپوڕ، له‌ ئه‌فغانستان بۆ ١٠٠٠ كه‌س به‌رزبووه‌ته‌وه‌ و ١٦٠٠ دیكه‌ش به‌سه‌ختی برینداربوون.

به‌پێی ئه‌و گرته‌ ویدیۆیانه‌ی له‌ تۆڕه‌ كۆمه‌ڵایه‌تییه‌كاندا باڵاوكراوه‌ته‌وه‌ ڕێژه‌ی وێرانی و ڕووخانی خانووی دانیشتووانی ویلایه‌تی “په‌كتیا” زۆر خراپه‌ و ژماره‌یه‌كی زۆر له‌ خه‌ڵك هێشتا له‌ژێر داروبه‌ردا ماوه‌ن و به‌رپرسانی ده‌وڵه‌تی تالیبان داوایان له‌ كۆمه‌ڵگای نێوده‌وڵه‌تی كردووه‌ یارمه‌تییان بده‌ن. به‌وته‌ی به‌رپرسانی فریاكه‌وتنی خێرای ئه‌فغانستان تا ئێستا ١١٠٠ كه‌س گیانیان له‌ده‌ستداوه‌ و ١٦٠٠ كه‌سی دیكه‌ش به‌سه‌ختی برینداربوون و ڕێژه‌ی قۆربانیان و بریندارابووانی ئه‌و ڕووداوه‌ له‌ ویلایه‌ته‌كانی “په‌كتیا” و “خووست” به‌رده‌وام له‌ هه‌ڵكشاندایه‌.