ڕۆژی پێنجشه‌ممه ٢٥ی مانگی سه‌رماوه‌ز، كۆمه‌ڵێك له دانیشتووانی گوندی “ماراو”ی سه‌ر به شاری كامیاران، به درۆشمی “بۆ كار وسه‌رمایه ژینگه له‌ناو نه‌به‌ن”، ده‌یان نه‌مامییان له داوێنی چیاكانی ئه‌و گونده چاند.
به‌شداربووانی ئه‌و چالاكییه، پتر له ٣٠٠ نه‌مامی “وه‌ن” و ده‌نكی به‌ڕوو و هه‌روه‌ها ده‌یان جۆر گیا كه له مه‌ترسی له ناوچووندا بوون، له داوێنی چیاكان چاند و ده‌ورووبه‌ریئ نه‌مامه‌كانیان به‌ردچن كرد. له چالاكییه‌كی دیكه‌دا له ناوچه‌ی یارسانی كرماشان، ده‌یان چالاكی ژینگه‌یی و خه‌ڵكی مه‌ده‌نی ١٥٠٠ بۆ ٢٠٠٠ نه‌مام و ده‌نكی به‌ڕوویان له داوێنی چیای “داڵاهوو” چاند و ڕایانگه‌یاند: پاراستنی ژینگه و سرووشتی كوردستان ئه‌ركی هه‌موومانه”.