ڕۆژی سێشه‌ممه ١٤ی مانگی سه‌رماوه‌زی ١٤٠٢، ئه‌ندامانی ئه‌نجومه‌نی ژینگه‌پارێزی “ژیوا”ی پاوه له ده‌ورووبه‌ری ئه‌و شاره چالاكی ژینگه‌ییان به‌ڕێوه‌برد.
به‌پێی ڕاپۆرته‌كان، ئه‌ندامانی ئه‌نجومه‌نی ژیوای پاوه هاوڕێ له‌گه‌ڵ لایه‌نگرانی سرووشت له‌و شاره، درێژه‌یان به هه‌ڵمه‌تی زاگرۆسانه دا و سه‌دان ده‌نكی به‌ڕوویان له چیاكانی ده‌ورووبه‌ری پاوه چاند. به‌شداربووانی ئه‌و چالاكییه داوایان له خه‌ڵكی كوردستان كرد به هه‌ڵمه‌تی ژینگه‌پارێزی زاگرۆسانه په‌یوه‌ست بن و وێڕای پاك و خاوێن ڕاگرتنی سرووشت، جوانی و ڕه‌سه‌نایه‌تی كوردستان بۆ نه‌وه‌كانی داهاتوو بپارێزین.