ڕۆژی هه‌ینی ٨ی مانگی گوڵان، ژماره‌یك له ئه‌ندامانی ده‌سته‌ی به‌ڕێوه‌به‌رایه‌تی ئه‌نجومه‌نی كرێكارانی ساختمانی شاری كامیاران به‌نێرێكیان به‌بۆنی هاتنی ئه‌وه‌ڵی مه‌ی ڕۆژی جیهانی كرێكار له مه‌یدانی شافعی ئه‌و شاره هه‌ڵواسی.
به‌پێی ئه‌و وێنانه‌ی له تۆڕه كۆمه‌ڵایه‌تیه‌كاندا بڵاو كراوه‌ته‌وه، له‌سه‌ر ئه‌و به‌نێره‌ی له مه‌یدانی شافعی كامیاران هه‌ڵواسراوه، هاتنی ڕۆژی جیهانی كرێكار له ته‌واوی كرێكارانی ئێران و جیهان پیرۆزبایی كراوه. جێگای ئاماژه‌یه كه له‌گه‌ڵ نزیك بوونه‌وه به ئه‌وه‌ڵی مانگی مه‌ی، چه‌ندین چالاكی كرێكاری له شاره‌كانی تاران، كه‌ره‌ج، بۆكان و سه‌قز ئه‌نجام دراوه و ژنان و پیاوانی ئازادیخواز پشتیوانی خۆیان له كرێكارانی مانگرتووی سه‌نایه‌عی نه‌وت و گاز، پترۆشیمی، فوولاد و مه‌عده‌ن ڕاگه‌یاندووه.