کۆمەڵە_رێكخراوی كوردستانی حیزبی كۆمونیستی ئیران
كوردستانهه‌واڵه‌کان

پەیامی پیرۆزبایی کۆمەڵێک لە دۆستان، لایەنگران و هەڵسوڕاوانی کۆمەڵە و حیزبی کۆمۆنیستی ئێران لە شاری بۆکان بەبۆنەی ٢٦ی رێبەندان رۆژی کۆمەڵە.

هاوڕێیان: ئەمساڵ لە هەلومەرجێکدا بەرەوپیری ٢٦ی رێبەندان رۆژی کۆمەڵە دەچین کە لەلایەکەوە کۆمەڵانی خەڵکی کرێکار و زەحمەتکێش لە ئێرانی ژێر دەسەڵاتی سەرکوتگەری کۆماری ئیسلامی لە بارودۆخێکی دژواری ئابووری، کۆمەڵایەتی و ئەمنییەتیدا بەسەر دەبەن. گرانی، بێکاری، سەرکوت و  خەفەقان و هەروەها گرتن و زیندانی کردنی چالاکان و هەڵسوڕاوانی بوارە سیاسی، مەدەنی و کۆمەڵایەتییەکان چ لە ئاستی سەراسەری و چ لە کوردستان بەوپەڕی خۆی گەیشتووە و  دژوارییەکانی ژیان گەیشتۆتە لوتکە و لەلایەکی ترەوە  چینی کرێکار و زەحمەتکێش و کۆمەڵانی خەڵکی بێزار و وەگیانهاتوو لە ئاست سەرکوتگەرییەکانی رژیمدا نەک هەر بەچۆکدا نەهاتوون بەڵکوو لەم چەند ساڵەی دواییدا بە خەبات دەربڕینی ناڕەزایەتی، مانگرتن و خۆپیشاندانی بەربڵاو و سەراسەری لە ئاستی ئێراندا ترسی مەرگیان خستۆتە دڵی رژیم و دام و دەزگا سەرکوتگەرەکەی و ورەی خەڵک بۆ بەگژداچوونەوە و لەگوڕنانی ئەم رژیمە لە ئاستێکی بەرزدایە.
لە ئاوا هەل و مەرجێکدا زۆر بەداخەوە کۆمەڵە بەهۆی کۆمەڵێک کێشە و گرفتی ناوخۆیی بێگومان لە چەند ساڵی رابردوودا نەک هەر نەیتوانیوە لە ئاستی چاوەڕوانییەکاندا وڵامی پێویستییە هەنووکەییەکانی خەباتی کۆمەڵانی خەڵکی کرێکار و زەحمەتکێشی لە کوردستان بداتەوە بەڵکوو بەشی هەرەزۆری وزە و تواناییەکانی بەهۆی ناکۆکییە ناپێویست و ناڕەواکانی ناوخۆوە بەهەدەر چووە. بێگومان بەردەوامی ئاوا دۆخێک تەنیا و تەنیا لە بەرژەوەندی دوشمنان و نەیارانی کۆمەڵە و بزووتنەوەی شۆڕشگێڕانەی کوردستان دەبێت.
هەربۆیە بڕیاری بەڕێوەبردنی کۆنگرەی ١٨ی کۆمەڵە کارێکی دروست و بەرپرسانە بوو و بێگومان هەنگاوێکی گرنگە بۆ تێپەڕاندنی ئەم دۆخە و خۆ رێکخستن و خۆ تەیار کردن بە ئاراستەی خزمەتی زیاتر بە بزووتنەوەی شۆڕشگێڕانەی کوردستان و بزووتنەوەی کرێکاری لە ئاستی سەراسەریدا.
ئێمە کۆمەڵێک لە دۆستان، لایەنگران و هەڵسوڕاوانی کۆمەڵە و حیزبی کۆمۆنیستی ئێران لە شاری بۆکان وێڕای پیرۆزبایی ٢٦ی رێبەندان ڕۆژی کۆمەڵە، دەستی هاوڕێیانەتان بەگەرمی دەگوشین و هیوای سەرکەوتنتان بۆ دەخوازین.
کۆمەلێک لە دۆستان، لایەنگران و هەڵسوڕاوانی کۆمەڵە و حیزبی کۆمۆنیستی ئێران لە شاری بۆکان.
٢٦ی رێبەندانی ١٤٠٠ی هەتاوی.

بابەتی پەیوەندیدار

درێژه‌ی ناڕه‌زایه‌تییه‌كان له‌ ڕۆژهه‌ڵاتی كوردستان

komalah

ڕاپۆرتێك له‌سه‌ر ناڕه‌زایه‌تییه‌كان له‌ شاره‌كانی دیكه‌ی ئێران

komalah

پشتیوانی كوردانی باكووری كوردستان له‌ ناڕه‌زایه‌تی گه‌لانی ئێران

komalah

كۆبوونه‌وه‌ی خه‌ڵك و لایه‌نه‌ سیاسیه‌كان له‌به‌رده‌م ده‌فته‌ری نه‌توه‌یه‌كگرتووه‌كان له‌ هه‌ولێر

komalah

پشتیوانی “سه‌لاحه‌دین” دمیرتاش له‌ خه‌ڵكی ناڕازی ئێران

komalah

ده‌ستبه‌سه‌ركرانی ١٠ كه‌سی دیگه‌ له‌ شاره‌كانی ئێران

komalah