کۆمەڵە_رێكخراوی كوردستانی حیزبی كۆمونیستی ئیران
وتاری ڕۆژ

پێشوازی لە بانگەوازی سێ رۆژ ناڕەزایەتی سەرتاسەری بۆ بەرزڕاگرتنی یادی گیانبەختکردوانی خەزەڵوەری ٩٨

 

  ئاخێزی شۆڕشگێڕانەی خەڵکی ئێران لە رۆژی سێ شەممە ٢٤ ی مانگی خەزەڵوەر شەستەمین رۆژی پڕ شکۆی خۆی نایە پشت سەر. شۆڕشگێڕان بۆ هەرچی شکۆدار تر بەڕێوەبردنی ڕێزگرتن لە یادو بیرەوەری ئاخێزی خەزەڵوەری ٩٨ و گیانبەختکردوانی بانگەوازیان بڵاو کردۆتەوە تا لە رۆژەکانی ٢٤، ٢٥ و ٢٦ ی مانگدا ناڕەزایەتی و مانگرتنی سەرتاسەری بەڕێوەبچێت.

ئاخێزەکە لە رۆژی٢٤ی مانگی خەزەڵوەر لە ناڕەزایەتی بە گران بوونی بەزین دەستی پێکرد بەڵام بەخێرایی بەکۆمەڵێک دروشم درێژەی پێ درا کە روخانی کۆماری ئیسلامیان  دەخواست. ئەم ناڕەزایەتیانە بە خێرایی لە ١٩١ شار و ٧١٩ ناوچەدا پەرەی سەند. سپای پاسداران، پۆلیس، هێزە ئەمنی و لیباس شەخسیەکان بە پێی دەستوری سەرانی ڕژیم و لەوانە خودی خامنەیی ڕاستەخۆ ڕوو بە خۆپیشاندەران تەقەیان دەکرد کە لە ئاکامدا زیاتر لە ١٥٠٠ کەس گیانیانبەخت کرد. لەنێو گیانبەختکردواندا منداڵی ١٣ تا ١٥ ساڵەش دەبیندرا. ژمارەی برینداران لەم ناڕەزایەتیانەدا زیاتر لە ٤ هەزار کەس بوو. ژمارەی دەسەتبەسەر کراوانی خۆپیشاندانەکانیش گەیشتە ١٢ هەزار کەس. ئەو ئاخێزە چینایەتیە بەهۆی ئەو وەحشیگەریەوە دامرکایەوە. بەڵام یادی گیانبەختکردوانی ئاخێزی ٩٨ لەمڕۆدا بۆتە هۆی بەهێز بوونی شۆڕشێکی جەماوەری کە لە ئارادایە.

  ئەو ڕاپۆرت و ویدۆیانەی بڵاو بوونەتەوە دەریدەخەن کە لە یەکەم رۆژی بانگەواز و لە درێژەی ئەم ئاکسیۆنەی ئێستادا ناڕەزایەتی و مانگرتنێکی سەرتاسەری بێوێنە لە شارەکان، زانکۆ و بازاڕەکاندا ڕوویداوە:

  خۆپیشاندانی سەرشەقام:

  لە تاران لەوانە لەو ناوچانە خۆپیشاندانی خیابانی ڕوویداوە: مەیدانی مادەر، کاشانی بۆلواری ئابازەر، تێهرانسەر، نارمەک، خیابانی ئینقلاب، خیابانی سەعدی، مەرزداران، حەوت حەوز، شارەکی سپێهر، قولهەک، گیشا، پونەک، مەیدانی سەنعەت، خیابانی ئەمیرکەبیر چرابەرق، ئەمیر ئەکڕەم، پاساژی عەلادین، لەببافی نیژاد، کارگەری جنوبی، جەنەت ئابادی شومالی، نازی ئاباد، خیابانی جمهوری، شارەکی غەرب، خیابانی شەریعەتی، بازاڕی ئاسن، حەسەن ئاوا، بازاڕی ئیستیل، شارەکی غەرب شەقامی درەختی، نیاوەران، شەهریار، بازاڕی مسگەران، چوار ڕێیانی وەلی عەسەر، زەفەر، بازاڕی جەماڵ، بازاڕی تاران. و زۆربەی ئیستیگاکانی مێتڕۆی تاران، شاهیدی کۆمەڵێک سەحنەی پڕ شۆر و شەوقی خۆپیشاندانی خیابانی بوون.

لەشارستانەکان:

سەبزەوار، زەڕین‌شاری ئیسفەهان، شاری‌کورد، سەمیروم، کیش، یەزد، کەنارەک، برازجان، شارستانی جەم، کەرەج، شراستانی بەردسکەن، ئیلام، خوڕەمدەرە، فولادشار، رویدەر، زاهیدان، شارستانی ئیوەزی بەندەرخەمیر، ئابادە، سیمیرومی ئیسفەهان، ساری، دورود، بەندەرئەنزەلی، قوروە، شەهسەوار، قائیم شار، بیجنورد، مهاباد، بۆکان، ئوقلیدفارس، ئەبهەر، تەورێز، بابولسەر، ئورومیە، ئەراک، هەمەدان، لاهیجان، کرماشان، شاهین شاری ئیسفەهان، ڕەشت، قەزوین، گورگان، مەشهەد، ئیزە، بەندەرعەباس، ئیسفەهان، گەوهەردەشتی کەرەج، شیراز، مەرودەشت، سنە، سەقز، شارەکی ئیمامی کرماشان وکامیاران. شەوی ڕابردوو لە کامیاران، سەعید مرادی، فوئاد محەممەدی و عیسا بیگلەری بە تەقەی بەکرێگیراوانی ڕژیم گیانیان بەختکرد.

  خوێندکارانی زیاتر لە ٦٠ زانکۆی جۆراو جۆری شارەکانی ئێران بە نەچوون بۆسەر کلاسەکانی دەرس، مانگرتن و بەڕێوەبردنی خۆپیشاندان لە حەوشەی زانکۆکان، رۆژێکی تریان لە خەبات و تێکۆشانی پڕشۆر و گەرموگوڕ بەڕێکرد.

  دوێنێ بەشێکی بەرچاو لە بازاڕ و پاساژی شارەکانی ئیران و کوردستان لە حاڵی مانگرتندا بوون. لەوانە: تاران، بەندەر ئەنزەلی، لاهیجان، گەوهەر دەشتی کەرەج، کازرون، ساری، بەندەر عەباس، زاهیدان، ڕەشت، بۆکان، مهاباد، مەریوان، دیواندەرە، شنۆ، کرماشان، سنە، کیش، پاوە، کامیاران، فەسا، کرمان، ئەراک، نەجەفئاوا، ئیسفەهان، تەورێز، تاران، گەناوە، خومەینی شار و شیراز.

   ئەوەی کە لە ٢٤ کاتژمێری ڕابردو لە ئاستی جۆراو جۆردا لە ئێڕان روویداوە نیشانی ئەدات کە ئەم شۆڕشە نیازی هێور بوونەوەی نییە و تا سەرکەوتنی یەکجاری بە هەڵێنانەوەی هەنگاوی پتەو بەرەپێشەوە دەچێت.

بابەتی پەیوەندیدار

ڕەوتی لێک هەڵوەشانی حکومەت و سەرلێشێواوی دەسەڵاتدارانی ئیسلامی 

-

کۆماری ئیسلامی بە ئاڕاستەیەکی بێ گەڕانەوەدا

-

  بەیانیەی حیزبی کومونیستی ئێران بۆ ڕێزگرتن لە ١٦ سەرماوەز رۆژی دانشجو

-

ماتەمی کۆماری ئیسلامی و شادمانی خەڵک لە پەڕاوێزی دەرچوونی تیمی کۆماری ئیسلامی لە کێبەرکێکانی جامی جیهانی

-

   سەرکەوتنی شۆڕش لە گرەوی هەتنە مەیدانی کرێکاران، وەک چینێکی کۆمەڵایەتی دایە

-

    ئیبتیکاری عەمەل لەسەر شەقام و لە سۆشیال مێدیا بەدەست خەڵکەوەیە 

-