ڕۆژی یه‌كشه‌ممه ١٣ی جۆزه‌ردان، سه‌ندیكای كرێكارانی شیركه‌ت واحدی تاران و ده‌ورووبه‌ر، به بۆنه‌ی كۆچی دوایی كاك موزه‌فه‌ر ساڵح نیا، چالاكی كرێكاری خۆشناوی خه‌ڵكی سنه، په‌یامی سه‌ره‌خۆشی ئاراسته‌ی بنه‌ماڵه و كۆمه‌ڵگه‌كی كرێكاری كوردستان و ئێران كرد.
له به‌شێكی ئه‌و په‌یامه‌دا هاتووه، كاك موزه‌فه‌ر چه‌ند ده‌یه‌ی ته‌مه‌نی بۆ گه‌یشتن به ئازادی و به‌رابه‌ری چینی كرێكار و چه‌وساوه ته‌رخان كرد، له‌و ماوه‌یه‌دا چه‌ندین جار بانگهێشت و ده‌ستبه‌سه‌ر كرا، به‌ڵام كۆڵی نه‌دا و وه‌فادار به ئاواته‌كانی بۆ ڕزگاری چینی كرێكار مایه‌وه. كۆچی له ناكاوی كاك “موزه‌فه‌ر ساڵح نیا” خه‌سارێكی گه‌وره بۆ كۆمه‌ڵگه‌ی كرێكاری كوردستان و ئێران بوو، سه‌ندیكای كرێكارانی شیركه‌ت واحدی تاران و ده‌ورووبه‌ر، په‌یامی سه‌ره‌خۆشی خۆی ئاراسته‌ی بنه‌ماڵه‌ی خۆشه‌ویستی ئه‌و چالاكه دڵسۆزه، كۆمه‌ڵگه‌ی كرێكاری و دۆستانی ده‌كات و خۆی به شه‌ریكی خه‌میان ده‌زانێت