به‌هۆی هه‌ڵكشانی نرخی كرێ خانوو، دیارده‌ی ئیجاره‌ی سه‌ربان و ژێرزه‌مین له زۆرێك له گه‌وره‌شاره‌كانی ئێران په‌ره‌ی سه‌ندووه.
بێكاری، گرانی و هه‌ڵاوسان وای كردووه كه چینی هه‌ژاری كۆمه‌ڵگا توانای دابینكردنی وه‌دێعه و كرێ خانوویان نییه و دیارده‌ی ئیجاره‌گرتنی سه‌ربان و ژێرزه‌مین له شاره‌كانی وه‌كوو تاران، ئیسفه‌هان، شیراز، ئه‌راك، ئه‌هواز، ته‌ورێز و مه‌شهه‌د به شێوه‌یه‌كی به‌رچاو په‌ره‌ی سه‌ندووه. به‌وته‌ی هاونیشتمانییه‌ك، نرخی ئیجاره‌ی مانگانه‌ی سه‌ربانێك له ئه‌هواز، پێنج ملیۆن وه‌دێعه و ٥٠٠ هه‌زار تمه‌ن كرێیه و له شاری مه‌شهه‌د، ٥٠ ملیۆن تمه‌ن وه‌دێعه و مانگی پێنج ملیۆن تمه‌ن وه‌رده‌گرن.