به‌پێی هه‌واڵی گه‌یشتوو، ڕۆژی دووشه‌ممه ٩ی ڕێبه‌ندانی ١٤٠٢، ٨٠٠ كرێكاری شاغڵ له شارۆچكه سه‌نعه‌تیه‌كانی ١ و ٢ و ٣ی شاری سنه له ڕاگه‌یاندنێكدا پشتیوانی خۆیان له بانگه‌وازی حزب و لایه‌نه سیاسی و مه‌ده‌نیه‌كان دژبه ئێعدامی چوار به‌ندكراوی كورد ڕاگه‌یاند.
له به‌شێكی ئه‌و به‌یاننامه‌یه‌دا هاتووه، ئێمه كرێكارانی شاغڵ له شارۆچكه سه‌نعه‌تیه‌كانی ١ و ٢ و ٣ی سنه پشتیوانی خۆمان له بانگه‌وازی كۆمه‌ڵه و هه‌موو حیزبه سیاسی و ڕێكخراوه‌كانی مافی مرۆڤ ڕاده‌گه‌ینین و په‌یوه‌ست به‌و مانگرتن گشتیه ده‌بین. هه‌روه‌ها داوا له هه‌موو بازاڕیان و دووكاندارانی كوردستان ده‌كه‌ین دژبه جه‌نایه‌ته‌كانی كۆماری ئیسلامی مان بگرن. ئێمه كۆمه‌ڵه وه‌كوو ڕه‌وتێكی پێشڕه‌و كه هه‌میشه پشتیوانی كرێكاران و زه‌حمه‌تكێشان بووه ده‌زانیم و پشتیوانی له بانه‌گه‌شه‌كانی ده‌كه‌ین.