کۆمەڵە_رێكخراوی كوردستانی حیزبی كۆمونیستی ئیران
هه‌واڵه‌کانكوردستان

پاككردنه‌وه‌ی ده‌ورووبه‌ری گۆمی زرێبار له‌ لایه‌ن ئه‌نجۆمه‌نی “سه‌وزی چیا”ی مه‌ریوان

پاككردنه‌وه‌ی ده‌ورووبه‌ری گۆمی زرێبار له‌ لایه‌ن ئه‌نجۆمه‌نی سه‌وزی

له‌ ماوه‌ی ڕۆژانی ڕابردوودا، كۆمه‌ڵێك له‌ ئه‌ندامانی ئه‌نجۆمه‌نی “سه‌وزی چیا”ی مه‌ریوان و لایه‌نگرانی سرووشت له‌ هه‌ڵمه‌تێكی ژینگه‌پارێزانه‌ ده‌ورووبه‌ری گۆمی زرێباریان له‌ زبڵ و خاشاك پاككرده‌وه‌.

به‌ وته‌ی به‌شداربووانی ئه‌و چالاكییه‌، له‌گه‌ڵ هاتنی به‌هار ده‌یان جۆر مه‌ل و بوونه‌وه‌ری كۆچبه‌ر ڕوو له‌و ناوچه‌یه‌ ده‌كات و هه‌بوونی زبڵ و پلاستیك ژیانیان ده‌خاته‌ مه‌ترسیه‌وه‌. به‌ وته‌ی به‌ڕێوه‌به‌رانی ئه‌نجۆمه‌نی “سه‌وزی چیا”، ڕێكخراوی پاراستنی ژینگه‌ و شاره‌داری ده‌بێت سازوكارێك بۆ پاراستنی گۆمی زرێبار دابمه‌زرێنن و ‌ له‌ ڕژانی ئاو وئاوه‌ڕووی شار و گونده‌كانی ده‌ورووبه‌ر بۆ ناو ئه‌و ده‌ریاچه‌یه‌ ڕێگری كه‌ن.