ڕۆژی سێشه‌ممه ٢٩ی مانگی خه‌رمانان، به فه‌رمانی عه‌لی خامنه‌یی “حه‌سه‌ن ڕۆحانی” و “عه‌لی ئه‌كبه‌ر ناتق نووری” له ناوه‌ندی “مه‌جمه‌عی ته‌شخیسی مه‌سڵه‌حه‌تی نیزام” وه‌لانران.
به‌پێی ئه‌و حوكمه‌ی خامنه‌یی، بۆ كاندیدبوونی ده‌وری تازه‌ی ئه‌ندامه‌تی له ناوه‌ندی “مه‌جمه‌عی ته‌شخیسی مه‌سڵه‌حه‌تی نیزام” “عه‌لی ئه‌كبه‌ر ناتق نووری” دوورخرایه‌وه و “حه‌سه‌ن ڕۆحانی”یش پاش ٣٠ ساڵ ئه‌ندام بوون له‌و ناوه‌نده وه‌لانرا، ئه‌وه له‌حاڵێكدایه كه “مه‌حموودی ئه‌حمه‌دی نیژاد” ئه‌ندامه‌تییه‌كه‌ی له‌و ناوه‌نده په‌سه‌ند كرایه‌وه و “سادق لاریجانی” له‌گه‌ڵ مه‌حكووم بوونی ده‌ورووبه‌ره‌یه‌كانی به گه‌نده‌ڵی و ئیختلاس، به‌ڵام وه‌كوو سه‌رۆكی ئه‌و ناوه‌نده ماوه‌ته‌وه.